Cobideza Sociedade Cooperativa, Cooperativa da Bisbarra do Deza
constitúese como tal no ano 1994, aínda que funcionaba como
agrupación de gandeiros dende finais dos anos 80.
No ano 1999, xunto con outras cooperativas da comarca, funda Xuncoga S.C., cooperativa de Segundo grao.
Na actualidade Cobideza S.C. conta con máis de
250 socios dos concellos de
Lalín, Agolada, Vila de Cruces e Silleda, dos cales 155 son produtores de leite en activo.
Cobideza S.C. ten como obxectivo primordial a información e a formación dos seus socios para a mellora da súa profesionalidade e competitividade como
produtores de leite, apoiándoos cunha serie de programas e servizos que teñen como fin incrementar o seu nivel e calidade de vida.